Rescatados dous mariñeiros tras afundir o seu pesqueiro na costa coruñesa
Foron atopados en bo estado e trasladados a Camariñas.
Por E.P. | SANTIAGO DE COMPOSTELA | 15/12/2021 | Actualizada ás 14:21
Dous tripulantes dun pesqueiro foron rescatados en bo estado na mañá deste mércores e trasladados ao porto coruñés de Camariñas despois de afundir a súa embarcación. Segundo informaron a Europa Press fontes de Salvamento Marítimo, unha embarcación de nome 'Borrasca II' informou sobre as 11,40 horas a través da canle VHF do afundimento do pesqueiro 'Nuevo María del Carmen' con dous tripulantes.
O patrón da embarcación afundida indicou que os dous tripulantes se atopaban en bo estado e non necesitaban asistencia sanitaria, sinalaron por parte de Salvamento. Foron levados pola pesqueiro 'Borrasca II' a porto. As mesmas fontes de Salvamento Marítimo puntualizaron que o pesqueiro, de 9,8 metros de eslora, afundiu tras empezar "a ter escora e non recuperar".
O Centro de Salvamento de Fisterra mobilizou a embarcación 'Salvamar Altair', que se desprazou á zona para constatar o afundimento e inspeccionar a área. As mesmas fontes apuntaron que os restos achados non supoñen perigo para a navegación.
