Por Europa Press / Redacción | SANTIAGO DE COMPOSTELA | 16/12/2021 | Actualizada ás 19:55
Os servizos de emerxencia rescataron do mar o corpo sen vida dun home de 76 anos que caeu ao mar tras sufrir unha indisposición mentres pescaba en Valdoviño.
Segundo fontes de Protección Civil consultadas por Europa Press, unha embarcación da Cruz Vermella foi a encargada de recuperar o cadáver do home, que foi avistado flotando na auga a 300 metros de Punta Frouxeira.
O home, veciño de Pontedeume, acudira á zona pescar cando sufriu unha indisposición e caeu á auga. O cadáver foi visto por unha embarcación que faenaba na zona e que deu a voz de aviso.
Unha vez recuperado da auga, o cadáver foi evacuado ao porto de Cedeira para o seu posterior traslado a Ferrol, onde se lle practicará a autopsia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.