Os pirómanos actúan en pleno Nadal con sete focos no parque natural do Xurés

O incendio rexistrado no parque natural do Xurés, iniciado con sete focos simultáneos, quedou controlado na tarde deste venres.

A Consellería de Medio Rural informa de que este lume no municipio de Calvos de Randín --parroquia de Randín-- comezou ás 17,08 e está controlado desde as 19,01 horas.

Segundo as estimacións provisionais, este lume afecta a unha superficie aproximada de tres hectáreas. Traballan dous axentes, catro brigadas e dúas motobombas.