Ferido un mozo ao ser apuñalado durante unha liorta nunha cafetaría de Ferrol
O presunto autor dos feitos foi arrestado.
Por Europa Press / Redacción | Cobas (Ferrol) | 19/12/2021 | Actualizada ás 11:38
Un mozo resultou ferido ao recibir varias puñaladas durante unha discusión cando se atopaba nun local de hostalaría da avenida de Esteiro, en Ferrol.
En concreto, os feitos tiveron lugar sobre as 22,30 horas do sábado, na zona da intersección coa rúa Españoleto. Alí, segundo informaron fontes consultadas por Europa Press, xerouse unha discusión e un dos presentes sacou unha arma branca coa que agrediu á vítima, que resultou ferida e evacuada nunha ambulancia de Urxencias Sanitarias de Galicia-061 a un centro hospitalario.
Á zona tamén se desprazaron varios vehículos tanto da Policía Local de Ferrol como da Policía Nacional, que se fixeron cargo estes últimos da investigación e apresaron ao presunto responsable do apuñalamento.
