Por Europa Press / Redacción | OURENSE | 23/12/2021 | Actualizada ás 16:07
A Policía Nacional detivo tres mozos por dar unha malleira a outro na madrugada do 6 de decembro no exterior dun céntrico pub de Ourense. Segundo informa a Policía nun comunicado, os presuntos autores son tres rapaces de 31, 21 e 19 anos de idade.
Os feitos que motivan a detención ocorreron sobre as 4,00 horas da madrugada do 6 de decembro, cando a vítima se atopaba no interior dun pub xogando ao futbolín. Un mozo comezou a increpar un amigo da vítima, quen tentou mediar para acougar a situación. O seguinte que lembra é que o sacaron fóra do local e lle estaban dando botellazos e golpeándoo unhas cinco persoas, segundo este relato.
Cando deixan de golpealo, a vítima comezou a camiñar xunto á súa parella e localizan a unha patrulla de Policía Nacional, que avisa a unha ambulancia do 061. O mozo sufriu un traumatismo cranioencefálico leve, úlcera corneal esquerda e múltiples erosións e feridas incisas, polo que necesitou puntos de sutura en man e nariz, así como grapas no cranio.
O Grupo de UDEV realiza a investigación do feito delituoso. A localización e detención do tres presuntos autores produciuse na tarde do día 21, foron postos en liberdade en dependencias policiais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.