Por E.P. | SANTIAGO DE COMPOSTELA | 23/12/2021 | Actualizada ás 20:07
Un incendio nunha vivenda do municipio coruñés de Oroso queimou a cociña, o salón e outra estancia do inmoble, segundo informa o 112 Galicia.
Os Bombeiros de Ordes extinguiron o lume, nun suceso no que un home tido que ser atendido polos servizos sanitarios de urxencia.
O home estaba durmido no momento dos feitos e a acumulación de fume no interior da vivenda provocou que se espertase. Foron varios os veciños da zona os que chamaron ao 112 Galicia para comunicar os feitos sobre as 16,30 horas. No seu relato indicaban que vían saír fume dun edificio na Rúa Toxeira, en Sigüeiro, e que unha persoa pedía axuda desde unha xanela.
Tamén foi mobilizado o helicóptero medicalizado con base en Santiago, pero, finalmente, a súa intervención quedou descartada ao comprobar que o home se atopaba ben. De feito, puido saír polos seus propios medios coa axuda dun veciño e foi atendido 'in situ' polos profesionais sanitarios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.