Por Galicia Confidencial | Santiago de Compostela | 30/12/2021 | Actualizada ás 14:10
O persoal sanitario da UCI covid-19 do CHUS denuncia o incumprimento de protocolos e falta de reforzo de persoal na unidade que pode poñer en perigo a saúde dos pacientes nestes últimos días.
"Debido ó deseño da UCI se estás a atender no cubículo 1 non podes atender ó doente 15 por que deixas de velo. O cubículo 1 dista moitos metros do 15. Nin ves ó doente nin das chegado nun tempo prudencial se lle pasa algo mentres estás dentro doutro cubículo", denuncian fontes de enfermería do CHUS.
Ademais de non ter persoal, tamén denuncian que o novo Plan de Continxencia covid da área sanitaria de Santiago tiña que axustarse á realidade xa que lles parecía unha "aberración" que unha enfermeira puidera levar un doente covid con un non covid ou que a propia enfermeira levara 5 pacientes ao mesmo tempo.
"Dende Preventiva tampouco están a cumplir cós protocolos", explica a testemuña xa que o pasado 24 de decembro púxose fin ao illamento dun doente covid con PCR positiva sen ter pasados os 21 días dende o comezo dos síntomas como di o Ministerio.
Segundo o Ministerio de Sanidade para realizar esa actuación un doente covid de críticos con PCR positiva deben ter pasados 21 días dende o inicio dos síntomas e ademais de ter IgG positivas.
Dende o persoal sanitario da UCI do CHUS queren denunciar a falta de cubiculos que se lles prometera xa que se iba a facer unha obra de ampliación no verán, o incumprimento dos protocolos asinados por parte de Preventiva e a falta de enfermeiras na UCI.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.