Detidos dous mozos por venda de droga na Coruña

Axentes da Policía Nacional detiveron na Coruña a dous mozos como autores de dous delitos de tráfico de drogas por vender sustancias estupefacientes na cidade. Segundo informou a Policía Nacional, os feitos sucederon o pasado 12 de xaneiro ás 11,00 horas axentes da Brigada de Seguridade Cidadá atopábanse na Ronda de Outeiro en labores de prevención da delincuencia.

Nun momento dado, eses axentes observaron como un home entregaba un pequeno envoltorio de sustancia estupefaciente a outro home, a cambio dun billete. Tras este intercambio abandonaron o lugar en diferentes direccións.

Co fin de comprobar o feito, os axentes decidiron identificar a ambos e comprobaron así que o suposto comprador portaba na súa man unha pequena bolsa cun po branco, supostamente cocaína, polo que foi proposto para unha sanción administrativa por este feito. En vista diso, procedeuse á detención do outro home, de 33 anos de idade, por un delito de tráfico de drogas.

Ás 20,00 horas do mesmo día e tamén na Ronda de Outeiro, procedeuse á detención doutro home de 20 anos por feitos similares, aínda que, neste caso, a sustancia estupefaciente intervida resultou ser haxix, matiza a Policía Nacional.

Ronda de Outeiro, Rolda de Outeiro | Fonte: coruñavirtual