Por Galicia Confidencial | OURENSE | 21/01/2022 | Actualizada ás 20:00
A asociación ecoloxista Amigas das Árbores vén de denunciar unha nova talla "inxustificada" na cidade de Ourense por parte do Concello, que se produce pouco despois da polémica talla das árbores na Universidade Laboral, que finalmente paralizaron debido á resposta cidadá. A árbore que desta volta cortaron polo pé era un dos últimos "Platanus hybrida" que quedaba entre a Capela e o Pavillón dos Remedios e, segundo Amigas das Árbores, nin "estorbaba nin era perigosa".
A asociación conservacionista censura que o Concello de Ourense continúe "o patrimonio vivo da cidade" e tacha aos integrantes do Goberno municipal de "negacionistas arboricidas". Lamentan, así mesmo, que non contemplen nas súas políticas cotiás a "sustentabilidade, a humanización, a resilencia das cidades fronte a emerxencia climática ou a integración paisaxística das zonas verdes e das árbores nas reformas urbanas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.