As reservas dos grupos sanguíneos 0-, A- e A+ atópanse baixas en Galicia

As reservas dos grupos sanguíneos Cero negativo (0-), A negativo (A-) e A positivo (A+) atópanse baixas en Galicia, mentres que as de Cero positivo (0+) permanecen normais. Por iso, a Axencia de Doazón de Órganos e Sangue (ADOS) chama á participación da cidadanía a doar sangue, en especial dos doantes dos tres grupos sanguíneos cuxas reservas están baixas.

ADOS lembra que os hospitais galegos necesitan entre 400 e 500 doazóns diarias para "levar a cabo adecuadamente o seu labor asistencial". Así, para facilitar a doazón unidades móbiles visitarán diversos concellos galegos para conseguir as doazóns necesarias que garantan o desenvolvemento do labor asistencial dos centros sanitarios de Galicia.

En concreto, este luns, 24 de xaneiro, ADOS enviará unidades móbiles ás localidades coruñesas de Ferrol --Praza de España--, A Laracha --Praza do Concello--, Oleiros --Santa Cristina--, Santiago --centro comercial As Cancelas-- e Ribeira --Aguiño--

Tamén o vindeiro luns 24 ADOS desprazará unidades móbiles á cidade de Lugo --Praza Maior--, así como ao municipio de Ourense --Rúa do Paseo--.

Así mesmo, acudirán unidades móbiles para facilitar a doazón aos concellos pontevedreses de Ribadumia --xunto ao Concello--, Vigo --zona Balaidos-- e Arcade --Praza de Abastos--.

Unha unidade móbil de ADOS para facilitar a donanción de sangue en Galicia.. ADOS | Fonte: Europa Press