Por Galicia Confidencial | Santiago de Compostela | 05/02/2022 | Actualizada ás 20:50
A Consellería do Medio Rural informa de que quedou extinguido ás 19,46 h. o incendio forestal rexistrado no concello ourensán de Calvos de Randín, parroquia de Randín, que afectou o Parque Natural Baixa Limia-Serra do Xurés.
O lume, que se iniciara ás 17,40 h. desta tarde en dous puntos diferentes, afectou -segundo as últimas medicións- unha superficie de 1 hectárea de monte raso. Para o seu control mobilizáronse en total 2 axentes, 3 brigadas e 2 motobombas.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
Así mesmo, toda a información actualizada sobre incendios forestais poderá ser consultada na conta aberta de twitter: @incendios085.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.