Ferido grave un motorista tras bater cunha parede na Gudiña
O home foi trasladado inmediatamente a un centro hospitalario.
Por E.P. | SANTIAGO DE COMPOSTELA | 12/02/2022 | Actualizada ás 19:47
Un motorista resultou ferido grave ao chocar o vehículo que conducía contra unha parede na Avenida Beato Sebastián, na localidade ourensá da Gudiña. Segundo informa o 112, o accidente ocorreu pouco antes das 13,00 horas e foi un particular o que deu aviso do ocorrido.
No operativo despregado participaron os profesionais de Urxencias Sanitarias de Galicia-061 e os membros do GES da Gudiña, ademais dos axentes da Garda Civil de Tráfico. Dadas as lesións graves que presentaba o ferido, foi trasladado ao centro hospitalario de referencia. Pola súa banda, os integrantes do GES procederon a limpar os restos da colisión coa fin de recuperar as condicións de seguridade na vía.
