Unha galega no Atlántico Norte: Regreso do Caribe

Neste 8M, Maite Rojo, patrona de barco e atleta, inicia unha nova colaboración con Galicia Confidencial. Tras narrar as súas travesías polo Atlántico e Pacífico, agora volve a relatarnos como será o seu día a día patroneando un veleiro desde o Caribe ate Valencia polo Atlántico Norte.

Por Galicia Confidencial | Angigua | 08/03/2022 | Actualizada ás 21:35

Comparte esta noticia

Moitos iates apostan por regresar a Europa desde o Caribe en abril ou maio. É o mellor momento para estar ben ao norte cando se achegue a tempada de furacáns do verán. A idea é atoparse en latitudes de 35ºN a 40ºN antes de que chegue xuño, aínda que neste mes aínda é pronto para esperar furacáns. Pero estando xa ben ao norte conseguiremos minimizar o risco de ter que pelexar nunha tormenta tropical ou con ventos tempestuosos.

Porto desde o que sairá Maite Rojo en Antigua
Porto desde o que sairá Maite Rojo en Antigua | Fonte: remitida

 

Así, teremos tempo suficiente para expor unha ruta máis cómoda que faga escalas en Bermudas, antes de afrontar o tramo principal de navegación rumbo ás Azores onde é recomendable recalar un tempo para descansar e gozar deste fermoso arquipélago volcánico. O percorrido directo que moitos navegantes elixen das Illas Virxes ou Antiga cara a Azores é de 2.200 millas náuticas, aínda que debemos sumar trescentas ou catrocentas millas máis, pois no canto de facer liña recta pola ortodrómica, gañaremos primeiro bastante Norte até a latitude 30ºN ó 35N antes de virar ao Leste cara ás Azores.

 

Ao longo destas semanas irei contándovos como é esta nova experiencia polo Atlántico.

Iate desde o que Maite Rojo surcará o Atlántico Norte
Iate desde o que Maite Rojo surcará o Atlántico Norte | Fonte: remitida
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta