Por Galicia Confidencial | Compostela | 09/03/2022 | Actualizada ás 10:41
Estudantado da Facultade de Filosofía da USC saíu á rúa este pasado martes para denunciar o acoso que recibiron varias rapazas deste centro por parte doutro estudante desde 2020 ata finais de 2021.
Aproveitando a celebración do 8M, os estudantes realizaron unha concentración tanto no interior coma no exterior da facultade para denunciar as “malas praxes” que entenden que se produciron no tratamento deste caso tanto polo equipo decanal coma pola propia USC.
Nun manifestó que leron ás portas do centro destacaron que non se trata dun caso illado, “senón dun problema que responde a cuestións sistemáticas e estruturais da USC e que non podemos tolerar”. “Por iso, dicimos non ao blanqueamento do machismo e o desamparo das vítimas en virtude da proteción da institución. Fóra machismo da universidad”, recolle o escrito.
CASO POLÉMICO
O caso remóntase a hai dous anos, cando o estudante Agustín S., dedicouse a perseguir unha por unha as súas compañeiras da aula, e mesmo amigas delas, nun intento por seducilas “a base de insistencias, tocamentos non consentidos, comentarios deplorables e fóra de lugar tales como ‘tú lo que necesitas es un hombre que te cuide’, e incluso chegou a perseguilas ata a casa”, tal e como lembran os propio estudantado.
Así, cando recibía a negativa como resposta, comezaba a persecución por redes sociais e a humillación nos debates na aula coa fin de deixalas en evidencia. “Comentaba tamén cos seus compañeiros o ‘putas” que eran”. “Os seus perfís en redes como Twitter están cheos de mensaxes de odio e comentarios aberrantes cara as súas compañeiras e cara as mulleres no xeral”.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.