Ferido mentres manexaba unha máquina nunha panadaría en Trazo

Unha persoa resultou ferida este mércores nun accidente laboral rexistrado mentres manexaba unha máquina nunha panadaría no municipio coruñés de Trazo. Segundo informou o 112 Galicia, os feitos sucederon nunha panadaría no lugar de Castrelo, no concello coruñés de Trazo. Foi persoal sanitario o que chamou ao servizo de emerxencias para informar o seu desprazamento ata o lugar para atender a persoa ferida.

Ao lugar o 061 enviou unha ambulancia de soporte vital básico e un equipo sanitario da PAC da zona que atendeu no punto ao paciente, o home M.I.R., de 64 anos, confirmaron a Europa Press fontes sanitarias. Ademais, os xestores do Centro Integrado de Atención ás Emerxencias pasaron aviso aos axentes da Garda Civil, que se presentaron no lugar co fin de aclarar as circunstancias do suceso.

Ambulancia do 061 | Fonte: 061-GALICIA.