Por E.P. | SANTIAGO DE COMPOSTELA | 23/03/2022 | Actualizada ás 16:16
O xefe da Comisaría da Policía Nacional de Vigo-Redondela, Juan José Díaz Jiménez, asumiu de maneira interina a posto vacante que deixa a excomisaria provincial de Pontevedra, Estíbaliz Palma, cesada o martes.
Palma foi destituída do cargo despois de que se fixesen públicas unhas declaracións nunha comida de homenaxe a un antidisturbios en Vigo nas que a excomisaria dixo que "xa lle gustaría a algunhas que as violase un UIP".
Díaz Jiménez asumiu provisionalmente a xefatura do corpo Nacional de Policía, ao ser o comisario de máis rango na provincia, segundo informou a subdelegada do Goberno en Pontevedra, Maica Larriba, que reiterou que as declaracións que provocaron o cesamento da comisaria provincial "non teñen ningunha xustificación, ningunha explicación e que non se poden tolerar, máxime tratándose dunha servidora pública cun posto de responsabilidade tan alto".
"GARANTIR A SEGURIDADE DAS MULLERES"
Maica Larriba lembrou que a comisaria provincial "ten entre os seus labores garantir a seguridade das mulleres".
Ademais, subliñou que son unhas declaracións "que non son compartidas polos Corpos e Forzas de Seguridade do Estado" e tamén engadiu que "o Goberno que eu represento nesta provincia actuou con rapidez e contundencia, como era de esperar, ordenando o seu cesamento inmediato".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.