Por Europa Press / Redacción | Compostela | 31/03/2022 | Actualizada ás 13:55
O Goberno abonará este xoves os 3.066 millóns de euros que corresponden ás autonomías como compensación pola liquidación do IVE de 2017. A Galicia correspóndenlle 224,6 millóns, a quinta cantidade máis alta.
Así o anunciou a ministra de Facenda e Función Pública, María Jesús Montero, durante a rolda de prensa para presentar os datos de execución orzamentaria das Administracións Públicas correspondentes ao ano 2021.
Andalucía, Cataluña e a Comunidade de Madrid son o tres rexións que máis importe recibirán dos 3.066 millóns de euros que o Goberno dispuxo para as comunidades autónomas co obxectivo de compensalas pola liquidación do IVE de 2017. En concreto, a comunidade andaluza recibe 568,6 millóns de euros, Cataluña, 560,6 millóns de euros, mentres que Madrid levará 424,7 millóns de euros.
Así está recollido na orde publicada o pasado 24 de febreiro no Boletín Oficial do Estado (BOE) que determinaba a distribución por comunidades autónomas destes máis de 3.000 millóns de euros que o Goberno dispuxo nos Orzamentos Xerais do Estado (PGE) para 2022 para dar cumprimento a dúas sentenzas do Tribunal Supremo que obrigaban ao Estado a compensar a dúas rexións por esta liquidación do IVE do ano 2017.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.