Pemes e colectivo autónomo poderán recibir axudas para mellorar o aforro enerxético
O programa apoiará a instalación de elementos como láminas de control solar ou equipamentos de iluminación que utilicen tecnoloxía led.
Por E.P. | SANTIAGO DE COMPOSTELA | 05/04/2022 | Actualizada ás 13:55
O Diario Oficial de Galicia (DOG) publica este martes a convocatoria de solicitudes do Bono Enerxía Peme da Xunta, que cobre o 80% do custo elixible ata un máximo de 6.000 euros, e está destinado a mellorar o aforro e a eficiencia enerxética de pemes e autónomos.
O crédito destinado a este programa ascende a 2 millóns de euros, e a convocatoria estará aberta ata o 14 de xullo ou fin de fondos. O programa apoiará a instalación de elementos como láminas de control solar ou equipamentos de iluminación que utilicen tecnoloxía led, e a renovación de equipamento consumidor de enerxía como cafeteiras ou lavalouzas, entre outros.
A Xunta afirma que Galicia aspira a convocar ao longo do ano axudas por máis de 128 millóns de euros, dirixidas á promoción da eficiencia enerxética e a paliar os efectos da subida dos prezos de luz e gas.
