A valedora do Pobo insta á Xunta que traduza documentos en inglés relacionados cun proxecto eólico en Ourense
Resolve así unha queixa tramitada pola Mesa pola Normalización Lingüística á petición da Plataforma Stop Eólicos Xurés Celanova o pasado mes de decembro.
Por E.P. | SANTIAGO DE COMPOSTELA | 25/04/2022 | Actualizada ás 21:26
A valedora do Pobo, María Dolores Fernández Galiño, instou á Xunta de Galicia a traducir os documentos presentados en inglés pola promotora do P.E. Monte de Neve, que afecta a Celanova e Verea, en Ourense, para "garantir a participación pública como elemento fundamental na avaliación ambiental".
Resolve así unha queixa tramitada pola Mesa pola Normalización Lingüística á petición da Plataforma Stop Eólicos Xurés Celanova o pasado mes de decembro.
Nela alertábase con respecto ao uso dunha lingua non oficial en Galicia nun anexo ao Estudo de Impacto Ambiental nas solicitudes de autorización administrativa previa e de construción, o proxecto de interese autonómico e o estudo de impacto ambiental do proxecto do parque eólico Monte da Neve.
