Por E.P. | SANTIAGO DE COMPOSTELA | 27/04/2022 | Actualizada ás 10:10
A comisión organizadora do congreso local do PP de Santiago que se celebrará o próximo 14 de maio confirmou que haberá finalmente dous candidatos: o deputado Borja Verea, presidente da xestora que dirixía a formación no ámbito municipal, e o médico Fernando Mayo.
O comité analizou os avais presentados por ambos os aspirantes e confirmaron que pasan o corte esixido dun mínimo de 25 firmas de afiliados. Unha vez realizada a validación de apoios presentados polos dous precandidatos, o órgano que se encarga de organizar o conclave determinou que, do total de firmas presentadas por Verea, son válidas 326. Mayo suma 45 avais.
Os dous precandidatos cumpren os requisitos para ser, en consecuencia, proclamados aspirantes formais a liderar o PP de Santiago.
A campaña electoral interna empezará ás 00,00 horas deste venres 29 de abril e finalizará ás 24,00 horas do domingo 8 de maio. O 9 de maio os candidatos deberán presentar ante a comisión a súa candidatura completa, coa relación dos 20 vogales que conformen o futuro comité executivo local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.