Hernández será alcalde de Santiago cun recurso no Tribunal Constitucional

PSdeG e BNG anuncian que recurrirán o seu nomeamento no alto tribunal. Feijóo denuncia que a oposición só quere o "desgoberno" en Santiago.

Por Galicia Confidencial | Compostela | 04/07/2014 | Actualizada ás 09:00

A oposición en Santiago de Compostela está disposta a non darlle ningunha facilidade ao futuro rexedor da capital, Agustín Hernández. E é que a intención de PSdeG e BNG é a de recorrer ante o Tribunal Constitucional a designación de até sete concelleiros non electos por parte do PP para ocupar os postos dos edís que tiveron que dimitir tras ser condenados por prevaricación.

Este novo anuncio da oposición se fai logo de coñecer que a Xunta Electoral Central desestimou as súas alegacións e deu vía libre á expedición de credenciais para estes concelleiros, de modo que en canto cheguen ao Concello convocarase o pleno no que renunciará Angel Currás como alcalde e será relevado por Agustín Hernández.

Un pleno que o aínda rexedor Ángel Currás cre que se vai celebrar a semana próxima, previsiblemente luns ou martes, e que converterá en alcalde ao ex conselleiro de Medio Ambiente.

Críticas de Feijóo

A este respecto, o presidente da Xunta e líder do PP galego, Alberto Núñez Feijóo, asegurou que ten a sensación de que PSdeG e BNG queren que haxa "desgoberno" na cidade.

"Non temo para nada o recurso ao TC que prevén presentar o PSdeG e o BNG porque se cumpriu a Constitución", dixo este xoves na rolda de prensa posterior ao Consello da Xunta.

Con todo, indicou que é "innegable" que durante meses houbo "distintos problemas" no concello compostelán, pero destacou que nas últimas semanas atopáronse solucións.

3 todos xuntos PODEMOS

Por unha fornte popular de esquerdas que meta unha basoira con turbo no concello de dereitas XM. BEIRAS PARA ALCALDE DE SANTIAGO!ABAIXO ABAIXO O PPepperolo - http://www.youtube.com/watch?v=F2_l...

2 Disparate

BNG e PSOE van conquerir a lexitimación de Agustín. Os recursos ante o TSXG e TCO están condeados ao fracaso (inadmisión ou desestimación), co cal Agustín vai acadar un amparo lexitimador do que carece. Noraboa aos "estrategas" xurídicos de BNG e PSOE.

1 ???

Amigo bascuista ?. Non entendo o comentario. O que sinalo é que acudir á vía xudicial para perder é un erro político. Moito máis cando a sentenza do TCO vai sair pouco antes das municipais.

2 Vergoña allea

Hai precedente no TC por iso adoptan esta vía. O concello de Cudillero foi disolto porlo TC anque contaba co apoio da xunta eleitoral. Que hai que criticar si pero que hai que contalo todo, tamén. Cando hai erros hainos que sinalar pero non creo que "todo o mundo sexa inxenuo agás eu". Coma opinión personal direi que os tribunais non lle poden remediar a cara ao que acontece en Compostela.

3 Por último

Non. O TCO non disolveu o concello de Cullidero. O que resolveu foi anular a designación como alcalde dunha persoa que non tiña formado parte da lista electoral, que non é o caso. http://hj.tribunalconstitucional.es... Por certo, en dita sentenza precisamente o TCO non se cuestiona (ao contrario)o procedemento de acceso á condición de concelleiro pola vía do art. 182.2 da LO de réxime electoral. E dita sentenza precisa que "si bien hay que matizar que tal solución fue introducida por la reforma operada por Ley Orgánica 1/2003, de 10 de marzo, que reformó el art. 182.2 LOREG con una finalidad determinada cual es la de garantizar la continuidad del gobierno municipal hasta el siguiente proceso electoral". Non insisto mais. Ogallá o BNG-PSOE teñan éxito no seu recurso de amparo electoral.

1 galegoexiliado

Ni tutelas ni tutías. Nin rexeneración dedocrática nin lista mais votada, nin resultados electorales. Aquí os alcaldes e concellais nomeaos o dedo do Sr Nuñez como facía o seu líder e antecesor de El Ferrol del Caudillo por la Gracia de dios.