Ana Pontón insta a non apoiar a escalada bélica de Israel e EE.UU
A portavoz do BNG pide ao Goberno e á UE evitar o uso de bases militares europeas para ataques ilegais contra Irán.
Por Europa Press / Redacción | Santiago de Compostela | 22/06/2025 | Actualizada ás 14:43
A portavoz nacional do BNG, Ana Pontón, pediu ao Goberno central e á Unión Europea que "non secunden" a "escalda belicista" de Israel e Estados Unidos. Así o sinalou este domingo en declaracións aos medios en Castro de Rey, onde pediu, ao Goberno e á UE que "impidan" o uso de bases militares en territorio europeo para continuar uns ataques a Irán que "son ilegais e están fóra do dereito internacional".
Neste sentido, a portavoz nacionalista pediu que o conflito "volva ao camiño do que nunca debeu saír: a negociación, diplomacia e que se traballe pola paz". "Tanto Trump como Netanyahu son dous criminais de guerra que hai que pararlles os pés neste momento polo que non queremos é, baixo ningunha circunstancia, volver ver outro Iraq ou outro Afganistán. Por tanto, desde o BNG dicimos non no noso nome", resolveu.
