Por E.P. | A CORUÑA | 13/05/2022 | Actualizada ás 11:51
O centro Europe Direct, da Deputación da Coruña e con sede na cidade herculina, abriu 'Estación Verde', unha contorna virtual en tres dimensións con información, vídeos e contidos didácticos sobre o Pacto Verde Europeo.
"Este espazo dixital e natural, nun bosque rodeado de árbores, permite ás persoas usuarias desprazarse e explorar a Estación Verde de maneira autónoma para descubrir os seus contidos", explica o organismo provincial.
Nel, pódese realizar unha visita virtual á mostra Pacto Verde Europeo de Europe Direct A Coruña que percorrerá este verán cinco concellos da provincia, así como outros contidos creados por e para a mocidade. Entre eles, destacan os vídeos creados por mozos de oito centros educativos de Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.