Terremoro de magnitude 2,3 en Triacastela

Un tremor de terra de magnitude 2,3 foi rexistrado a primeira hora deste venres no concello lugués de Triacastela. Segundo informa o Instituto Geográfico Nacional (IGN), o tremor produciuse pouco antes das 6,30 horas da mañá e orixinouse a unha profundidade de 6 quilómetros.

Unhas horas antes, pouco despois das 2,00 horas da madrugada, o noroeste peninsular rexistraba outro terremoto, neste caso de magnitude 5,4, con epicentro no municipio leonés de San Emiliano e que foi sentido en localidades próximas.

Este xoves, pola súa banda, producíronse dous tremores de terra --de 2,1 e 2,2 graos-- no concello pontevedrés de Covelo.