Arzúa recolle 700 sinaturas para instar o alcalde a reabrir o Club de Xubilados

Por Galicia Confidencial | SANTIAGO DE COMPOSTELA | 06/06/2022 | Actualizada ás 12:42

Comparte esta noticia

O colectivo de persoas xubiladas de Arzúa reclama ao alcalde, José Luís García López, que reabra o Club de Xubilados, pechado desde a pandemia. Así, veñen de iniciar unha recollida de sinaturas que contou co apoio de arredor de 700 veciños e veciñas, moitas delas usuarias habituais do Club de xubilados, e que foron rexistradas este luns no Concello de Arzúa.

Persoas maiores
Persoas maiores | Fonte: Ana Varela - Xunta de Galicia.

Deste xeito, expresan o seu malestar ante esta situación e esíxenlle ao alcalde de Arzúa que reabra o Club de Xubilados. Reclaman ter dereito a contar con este espazo para a socialización e entretemento das persoas maiores e din sentirse "discriminados" por esta actuación do alcalde de Arzúa, que mantén pechado o Club de Xubilados cando todas as instalacións municipais están xa operativas, sen darlles "ningunha explicación", denuncian.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta