Os aloitadores rapan 81 bestas en Sabucedo nunha xornada "accidentada" con 38 intervencións sanitarias

Un aloitador foi trasladado en ambulancia ao Hospital Clínico de Santiago por unha "previsible fractura de costelas e un golpe nunha perna".

Por Europa Press / Redacción | Sabucedo | 03/07/2022 | Actualizada ás 17:47

Comparte esta noticia

Os aloitadores da Rapa das Bestas de Sabucedo raparon 81 bestas nunha segunda xornada que a organización cualificou de "máis accidentada e chuviosa". De feito, sinala que o parte de incidencias deixou un total de 38 intervencións de diferente consideración por parte dos servizos sanitarios e de emerxencias.

Os aloitadores achéganse aos cabalos no castro durante a Rapa das Bestas 2022, a 3 de xullo de 2022, en Sabucedo
Os aloitadores achéganse aos cabalos no castro durante a Rapa das Bestas 2022, a 3 de xullo de 2022, en Sabucedo | Fonte: Gustavo da Paz - Europa Press.

A máis grave, informan, foi a dun aloitador que tivo que ser trasladado en ambulancia ao Hospital Clínico de Santiago de Compostela por unha "previsible fractura de costelas e un golpe nunha perna".

Ademais, tamén resultou ferido outro aloitador que sufriu unha rotura de cúbito. En canto ás demais intervencións, 23 foron por contusións e 13 necesitaron algún tipo de medicación.

A organización manifestou que un dos momentos máis aplaudidos do público que este domingo tamén encheu o curro de Sabucedo foi a estrea como aloitador de Roi, de 13 anos de idade.

Por outra banda, tamén chamou a atención a presenza dos presentadores de televisión Jesús Calleja e Mercedes Milá. Ao parecer, Calleja gravaba imaxes para o seu programa 'Volando Voy' e mesmo baixou á area e axudou a cortar as crines a un dos cabalos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta