Morre Manuel Pereira Gago, o primeiro alcalde da democracia en Barro
Por E.P. | PONTEVEDRA | 06/07/2022 | Actualizada ás 19:50
O Concello de Barro comunicou o falecemento de Manuel Pereira Gago, alcalde da localidade entre o ano 1979 e 1983, o primeiro da democracia. O conxunto da corporación municipal acordou un comunicado conxunto no que expresan as súas condolencias, á vez que mostra o agradecemento polo traballo desenvolvido ao servizo da veciñanza de Barro.
"O Concello de Barro lamenta fondamente o falecemento de don Manuel Pereira Gago, primeiro alcalde de Barro no inicio do período democrático entre os anos 1979 e 1983", apunta o comunicado conxunto. Gago xogou un papel "moi importante" na historia do municipio, ao presidir a institución nun momento "tan especial como era o de deixar atrás unha cruel ditadura e pór as primeiras pedras do Barro democrático", agrega.
O conxunto da corporación municipal, en representación da veciñanza, faille chegar á familia e a toda a súa contorna as condolencias nestes momentos de "tanto dor".
