A autocita para a vacinación contra a COVID abre o 14 de xullo para as primeiras doses de adultos e nenos
A administración autonómica detallou que, no momento no que unha persoa cumpra os criterios e entre en campaña, a Xunta enviaralle un SMS para indicarlle que xa pode pedir cita.
Por Europa Press / Redacción | SANTIAGO DE COMPOSTELA | 10/07/2022 | Actualizada ás 12:44
A Xunta abrirá a partir do 14 de xullo a autocita para a vacinación da Covid-19 das primeiras doses de adultos e de nenos, así como as doses de recordo para a poboación maior de 18 anos.
Segundo trasladou a Consellería de Sanidade, a autocita poderá realizarse a través da web do Sergas (www.sergas.es) ou por medio da aplicación Sergas Mobil. Tamén se poderá realizar no número de teléfono 881 54 00 45.
Así mesmo, a administración autonómica detallou que, no momento no que unha persoa cumpra os criterios e entre en campaña, a Xunta enviaralle un SMS para indicarlle que xa pode pedir cita. Ademais, o sete áreas sanitarias tamén as poderán citar activamente.
En todo caso, a Xunta lembrou que continúa en funcionamento a entrada libre para vacinación da Covid-19 nos diferentes hospitais da comunidade.
