Por E.P. | SANTIAGO DE COMPOSTELA | 27/07/2022 | Actualizada ás 15:10
O portavoz do Grupo Popular, Pedro Puy, fixo este mércores un balance do actual período de sesións no que, por primeira vez na historia democrática de Galicia, o Parlamento tivo que afrontar unha substitución na presidencia da Xunta a metade de lexislatura, un proceso que "deu exemplo político ao conxunto de España" de "rigor e seriedade", dixo Puy.
Así, de entre todos os asuntos que a Cámara galega tratou neste período, Puy destacou a substitución na presidencia da Xunta tras a renuncia de Alberto Núñez Feijóo o pasado 29 de abril, un proceso "áxil e sen sobresaltos", exemplo do "funcionamento idóneo" das institucións, que culminou coa toma de posesión de Alfonso Rueda o 14 de maio.
"Demos un exemplo de funcionamento adecuado do Parlamento e un exemplo político ao conxunto de España de estabilidade, de rigor e de seriedade", dixo o portavoz popular, que destacou que, durante este período de interinidade, a Cámara seguiu funcionando con normalidade.
Segundo dixo Puy, no último período de sesións celebráronse preto de 160 reunións, alcanzando a cifra de 643 encontros no que vai do XI Lexislatura. A Comisión 3ª foi o órgano que celebrou máis reunións (114); seguida pola Comisión 5ª (61) e o Pleno (50).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.