O PSdeG esixe a Jáome que actúe contra o botellón cunha ordenanza

O PSdeG de Ourense esixiu o desbloqueo "inmediato" da comisión de redacción da ordenanza do botellón "ante o elevado número de protestas veciñais" polo ruído e consumo de alcol no centro histórico durante o fin de semana.

Piden ademais, a través dun comunicado, que se retome o documento con "un enfoque transversal, en conxunto con outras normativas como as de ruídos, veladores e tráfico, e co consenso de todos os axentes sociais, asociacións e persoas implicadas".

Así, denuncian a falta de sensibilidade do "microgoberno de Jácome" cun fenómeno que conduce a "un progresivo e irreversible deterioración da zona vella da cidade, coa consecuente degradación da convivencia veciñal".

Para finalizar, reivindican un plan de intervención, "tanto a nivel social como educativo", para minimizar as consecuencias derivadas desta práctica e "fomentar o desenvolvemento de hábitos respectuosos e saudables a nivel individual e colectivo".

O alcalde de Ourense, Gonzalo Pérez Jácome, durante un pleno no Concello de Ourense, a 6 de maio de 2022, en Ourense, Galicia (España). O PSOE presentou durante o pleno unha moción para condenar a actuación do alcalde e esixir aos populares q. Rosa Veiga - Europa Press