Por E.P. | SANTIAGO DE COMPOSTELA | 25/08/2022 | Actualizada ás 11:51
Unha muller foi rescatada no municipio ourensán de Ribadavia tras caer nas termas de Prexigueiro. Segundo informa o 112, recibiron a chamada dun particular ao redor das 20,15 horas do mércores que avisaba da caída.
O acceso ao lugar no que estaba a ferida resultaba complicado porque a ambulancia non podía chegar. Ademais, era necesario retirar unha cadea que impedía o paso dos coches á área principal das termas. Urxencias Sanitarias de Galicia-061 solicitou, por tanto, a colaboración do GES de Ribadavia. Tamén acudiu unha patrulla da Policía Local da localidade ourensá.
Xa nas termas, os membros do GES completaron o rescate da muller, sacándoa do punto no que caera e abrindo paso á ambulancia para que puidese achegarse o máximo posible. A ferida foi finalmente trasladada ao centro sanitario de referencia cunha ferida no nocello.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.