Por E.P. | SANTIAGO DE COMPOSTELA | 06/09/2022 | Actualizada ás 18:07
O Concello da Coruña, a través da Concellaría de Medio Ambiente, realizará, en colaboración coa Asociación para a Defensa Ecolóxica de Galicia (Adega), actividades de protección ambiental, en virtude dun convenio subscrito este martes.
A firma estivo a cargo da concelleira Esther Fontán e a vicepresidenta de Adega, Verónica Torrijos. Mediante o mesmo, realizaranse actividades que impliquen a eliminación de residuos, o coidado de ríos, a supresión de especies invasoras ou a custodia do territorio.
As actividades desenvolveranse no próximos tres meses, facendo coincidir algunha das limpezas de praias co Día Mundial das Praias, o próximo 17 de setembro. Por outra banda, algunha das limpezas de ríos coincidirá coa Limpeza Simultánea de Ríos do 25 de setembro. Ademais, Adega tamén impartirá unha xornada formativa, que levará a cabo en novembro, coincidindo coa Semana Europea da Prevención de Residuos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.