Faro acusa a Lores de represarias por criticalo
Pontevedra retira a Faro de Vigo a publicidade por publicar a ausencia do alcalde do BNG dunha reunión clave para o Porto. Lores preferiu viaxar a Torrevieja a uns relatorios da DGT.
Por Galicia Confidencial | Pontevedra | 03/10/2014 | Actualizada ás 12:52
"El Concello toma represalias contra FARO molesto por su línea informativa", así titula a edición pontevedra de Faro de Vigo unha información moi dura contra o alcalde. O diario decano da prensa española acusa a Miguel Anxo Fernández Lores de cancelar "toda relación comercial" en represaria por ter informado da ausencia do mandatario do BNG do Consello de Administración do Porto e de, en cambio, viaxar a Torrevieja a unhas xornadas de Dirección General de Tráfico (DGT).
GC solcitou ao Concello de Pontevedra a súa versión dos feitos para incluíla nesta información, pero até o de agora non recibiu ningunha resposta dende o municipio.
Pola súa banda, Faro detalla polo miúdo a suposta chantaxe do alcalde ao medio de comunicación:
El pasado lunes el alcalde Fernández Lores por medio de su jefe de gabinete comunicaba telefónicamente a FARO que el Concello de Pontevedra suspendía un acuerdo comercial pendiente tan solo de firma y descartaba asumir cualquier otro, por la línea informativa del diario. 48 horas después, ayer miércoles, la represalia fue formalizada personalmente a la gerencia del diario en el transcurso de una reunión que estaba convocada con anterioridad. En estos términos: el gobierno de Lores da por roto todo vínculo con FARO molesto por las informaciones publicadas, y así seguiría mientras se mantenga la misma línea informativa.
El citado jefe de gabinete, Antón Prieto, en un escrito posterior enviado a la gerencia del periódico, reitera que la relación entre el Concello y el diario se rompía. "Por razóns alleas á nosa vontade, vémonos na necesidade de suspender até outro momento a campaña "Pontevedra paso a paso", que estaba a piques de iniciar a súa andaina na edición local de Pontevedra de Faro de Vigo", se puede leer en la comunicación enviada por el hombre de confianza de Fernández Lores, y en la que agrega: "Ogallá poidamos retomar axiña a nosa colaboración, que agardo sexa longa e froitífera".
A denuncia pública de Faro é excepcional. Os grandes medios en Galicia case sempre evitan que os seus lectores poidan albiscar até que punto os seus dependen en gran medida dos cartos que reciben das administracións públicas, o que condiciona loxicamente as súas liñas editoriais.
O enfado de Faro con Lores, máis alá da cancelación da campaña "Pontevedra paso a Paso", tamén é produto de ciumes empresariais . En anteriores ocasións o goberno local pagou caderniños centrais de carácter propagandístico no seu gran rival, La Voz de Galicia.
Iso malia que Lores pertence a unha fronte nacionalista, o BNG, quen en reiteradas ocasións ten relacionado o seu retroceso electoral coas informacións publicadas na Voz.
En todo caso, o PP local está tentando sacar partido desta polémica, criticando a Lores por ser incapaz de dar unha resposta coherente a súa ausencia do Consello de Administración no que se votaba como responder a unha sentencia que obriga a derrubar unha parte do peirao, ao que traballan centos de persoas.
O alcalde alegou que tentou delegar o seu voto nun concelleiro, pero que o Porto lle dixo que non foi posíbel. Aos conservadores parécelles demasiado inocente que Lores, con varios lustros no Concello, non soubese que non podía delegar o voto. Pola súa banda, La Voz salienta que Lores defende a "transcedencia" da súa viaxe a Torrevieja, logrando que a directora xeral de Tráfico vaia visitar a capital do Lérez.
