En marcha un sorteo de 12.000 euros en tarxetas regalo para gastar no pequeno comercio

A federación galega de comercio, a Xunta e Abanca poñen en marcha a edición de outono 2022 da campaña 'Días azuis do comercio galego', a décima desta iniciativa que ten por obxecto impulsar o comercio de proximidade. 

Ademais, segundo destaca a federación nun comunicado de prensa, a finalidade é contribuír á dinamización do sector e á súa recuperación tras a crise que provocou a pandemia e a posterior inflación. Cunha "pincelada de cor ao outono", a campaña, que supón un incentivo ao poder gañar un dos premios que sortea, busca facer "máis azul, alegre e motivador" este período para a clientela.

A edición de outono desenvolverase entre o 1 e o 20 de novembro, coa colaboración dos establecementos de máis de 150 asociacións. Durante estas datas, os clientes que compren nestes establecementos comerciantes polo miúdo poden participar --rexistrando a compra na páxina da campaña-- no sorteo de 12.000 euros repartidos nun total de 64 cartóns prepagamento regalo, de 250 e de 150 euros.