Esgotados nas primeiras horas os 20.000 bonos de Cultura da Xunta
Moitas persoas quedaron sen esta axuda, o que causou comentarios de malestar nas redes.
Por Europa Press / Redacción | SANTIAGO DE COMPOSTELA | 02/11/2022 | Actualizada ás 10:36
Os 20.000 bonos para obter descontos en produtos culturais que a Xunta puxo a disposición da cidadanía esgotáronse sen que houbese opción de conseguilos máis aló da madrugada, o que motivou comentarios de malestar nas redes sociais.
Por segundo ano consecutivo, o Goberno galego activou os bonos culturais, que se suman ao bono comercio que tamén se esgotou en tres días. Neste caso, o Bono Cultura, que na edición anterior non se puxo en marcha ao longo da mañá, esgotouse ao comezo da convocatoria, que arrincou ás 00,00 horas.
As persoas que dispoñan deste bono, do que este ano se informou que se debe incorporar á declaración do IRPF das persoas que o obteñan, terán ata o 31 de decembro para gastalo nos ao redor de 400 establecementos adheridos.
