A celebración do San Martiño no Concello de Ourense inclúe actividades deportivas
As citas destacadas comezarán este mesmo fin de semana, os días 5 e 6 de novembro, coa celebración do primeiro Máster Internacional de Carcross Castro de Beiro, unha iniciativa coa que a cidade das Burgas pretende consolidarse como unha das sedes destacadas do mundo do motor.
Por E.P. | OURENSE | 02/11/2022 | Actualizada ás 20:03
O Concello de Ourense presentou as actividades destacadas para o mes de novembro e en especial para o festivo local, o San Martiño, que incluirá un Máster Internacional de Carcross ademais do magosto tradicional e a Carreira de San Martiño.
O rexedor municipal, Gonzalo Pérez Jácome presentou as actividades acompañado polo asesor en materia deportiva, Aníbal Pereira e o xerente do Consello Municipal de Deportes, Jorge Aciñeiras.
As citas destacadas comezarán este mesmo fin de semana, os días 5 e 6 de novembro, coa celebración do primeiro Máster Internacional de Carcross Castro de Beiro, unha iniciativa coa que a cidade das Burgas pretende consolidarse como unha das sedes destacadas do mundo do motor.
Así o sostivo Jorge Aciñeiras enxalzando o "gran número de seguidores" que ten a disciplina en Ourense, "como xa se puido comprobar no tramo urbano do Rally deste ano". Ademais, subliñou que o Carcross recupera a subida de Castro de Beiro.
MAGOSTO CON REFORZO DE ACTIVIDADES
O programa do magosto foi avanzado por Pérez Jácome, quen con anterioridade destacou Por iso, neste sentido, manifestou que o magosto "terá reforzo de actividades e oferta variada" para contentar "a toda a gran afluencia prevista", especialmente o día do concerto da orquestra Panorama.
Así pois, o Magosto celebrarase o propio día de San Martiño, o venres 11 de novembro, cun percorrido de gaiteiros e cabezudos desde as 12,00 horas polas rúas que darán o pistoletazo de saída a un día repleto de espectáculos musicais con animación de rúa, con distintas charangas e concertos. Ese día ás 18,00 horas a Praza Maior acollerá o magosto tradicional con bolos preñados, auga e veu ademais de castañas.
Unha hora máis tarde terá lugar o concerto de Brañas folk, cos invitados Orfeo Treixadura e Pancho Álvarez, ás 20,30 horas o bruxo Queiman celebrará unha queimada e desde esa mesma hora e ata as 1,30 horas haberá verbena coa orquestra Panorama na rúa Progreso. O sábado haberá ruada de bandas de gaitas e concerto das mesmas na Praza Maior ás 13,00 horas.
CARREIRA
A diferenza doutros anos, a popular carreira pedestre de San Martiño non se celebrará o 11 de novembro, senón que Pérez Jácome decidiu atrasala unha semana para que non coincida coa carreira popular de Negreira, polo que se desenvolverá o domingo día 20.
Esta actividade, que conta cun orzamento aproximado de 70.000 euros, é, en palabras do alcalde, "a carreira máis antiga de Galicia e desde logo a máis importante, e este ano recupera todo o seu esplendor".
Así anunciado que a participación está nestes momentos en máis de 4.000 persoas inscritas e que as prazas permanecen abertas ata o 13 de novembro. Aqueles que se inscriban antes do día 5 pagarán 5 euros, mentres que quen o fagan a semana seguinte pagarán 7 euros. Pódense consultar os horarios e os días de recollida de dorsais en www.asanmartino.com.
