Atopan morto o ancián desaparecido na Rúa

Un voluntario que formaba parte dos equipos profesionais e cidadáns para buscar ao ancián da Rúa (Ourense) desaparecido desde o mércores atopou o home, de 81 anos, mergullado no arroio Das Eiras, en San Xulián, a 200 metros do seu domicilio.

Os equipos de emerxencias aínda tardaron algún tempo en recuperar o corpo sen vida deste home, que foi localizado cando se cumpren catro días da súa desaparición.

Na xornada do venres ampliárase o radio das batidas ante o infrutuoso dos resultados, que se centraron na zona da súa vivenda, situada no lugar de San Xulián.