Un de cada 56 lactantes acaba hospitalizado por virus respiratorio segundo un estudo
En palabras do xefe do Servizo de Pediatría do Hospital Clínico de Santiago, Federico Martinón, a virulencia desta infección é máis grave en contornas desfavorecidas, onde se producen "a maioría" dos 60.000 falecementos que cada ano cuasa o VRS en lactantes.
Por Europa Press / Redacción | SANTIAGO DE COMPOSTELA | 15/11/2022 | Actualizada ás 18:30
Un de cada 56 lactantes que se infecta de virus respiratorio sincitial termina hospitalizado, segundo determina un estudo no que participaron investigadores do Complexo Hospitalario Universitario de Santiago e que publica esta semana a revista científica Lancet Respiratory Medicine.
A investigación determina, tras realizar un seguimimiento a 9.000 recentemente nacidos sans durante polo menos un ano, a alta carga deste virus, que bautizan como "o verdadeiro covid-19 dos nenos".
En palabras do xefe do Servizo de Pediatría do Hospital Clínico de Santiago, Federico Martinón, a virulencia desta infección é máis grave en contornas desfavorecidas, onde se producen "a maioría" dos 60.000 falecementos que cada ano cuasa o VRS en lactantes.
O doutor do hospital santiagués sinala o VRS infecta practicamente a todos os nenos menores de dous anos e é a principal causa mundial de infeccións agudas das vías respiratorias baixas en nenos pequenos.
Así, asóciase cunha alta morbilidade e mortalidade infantil. De feito, estímase que cada ano o VRS causa aproximadamente 34 millóns de novos episodios de infección pulmonar en nenos en todo o mundo, así como máis de 3 millóns de ingresos hospitalarios.
"O VRS é o inimigo número un dos lactantes, só neste mes ingresaron máis nenos por esta infección en Santiago, que por covid-19 en toda Galicia no total da pandemia", aseverou Martinón, que apunta ao "salto cualitativo" dado nos últimos anos no tratamento do VRS.
"Só no Hospital Clínico de Santiago traballamos no desenvolvemento clínico de máis dunha ducia de solucións, entre antivirais, anticorpos monoclonais e vacinas para a muller embarazada, o lactante ou as persoas de idade avanzada", sinalou o doutor, que apunta á chegada de novos medicamentos e vacinas que, di, marcarán "un antes e un despois" no tratamento desta enfermidade.
PROBAS SOBRE O EPOC
Por outra banda, este mércores, profesionais do servizo de pneumoloxía da área sanitaria de Santiago levarán a cabo en Santiago probas diagnósticas gratuítas de EPOC, unha enfermidade grave que presenta un alto grao de infradiagnóstico, calculado nun 73%.
Este 16 de novembro conmemórase o Día Mundial do EPOC, polo que o Sergas quere achegar á cidadanía esta patoloxía a través dunha mesa informativa que estará instalada na Alameda de Santiago.
