Por Europa Press / Redacción | SANTIAGO DE COMPOSTELA | 30/11/2022 | Actualizada ás 10:04
A Consellería de Sanidade comprometeuse a "estudar" unha reestruturación do mapa de centros de saúde ante unha proposta de representantes do Consello Galego de Colexios Médicos, cos que se volverán a reunir "en breve" para discutir esta cuestión.
Así o avanzou o conselleiro de Sanidade, Julio García Comesaña, nunha comparecencia ofrecida este martes pola noite nas dependencias da Xunta en San Caetano, en Santiago de Compostela, tras unha reunión dun tres horas con representanes dos colexios de médicos á que tamén acudiu o presidente galego, Alfonso Rueda.
O Consello de Médicos trasladou solucións a "curto, medio e longo prazo" para a Atención Primaria ante a falta de facultativos que sofre actualmente o Servizo Galego de Saúde (Sergas).
Preguntado sobre se a proposta de reestruturación implicará peches ou recolocación de centros, o conselleiro limitouse a contestar que foi "o Consello o que fixo a proposta", mentres que a Administración comprometerase "a estudalo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.