Críticas ó BNG por "xenófobos"

A Asociación Galega de Amizade con Israel critica ao BNG por non apoiar unha proposta no Parlamento con motivo do Día Internacional de Recordo das Víctimas do Holocausto...

Por Galicia Confidencial | Galicia | 26/01/2008 | Actualizada ás 22:08

O BNG impediu que a Deputación Permanente do Parlamento de Galicia aprobara con motivo do Día Internacional de Recordo das Vítimas do Holocausto. unha declaración institucional de condea do nazismo e lembranza dos seus millóns de vítimas, ao oporse a un texto que contaba co respaldo do PSOE e do PP. O BNG tampouco aceptou sumarse á Declaración en Memoria das Vírtimas do Holocausto que o ano pasado sí fora aprobado cos votos dos tres grupos parlamentarios.

A postura do BNG contrasta moi chamativamente co feito de que o Congreso dos Deputados, o Parlament de Catalunya ou na Asemblea de Madrid levan entre 4 e sete anos celebrando o 27 de xaneiro -día da liberación de Auschwitz- non só con declaracións institucionais senón mesmo con actos emotivos nos que participan superviventes do Holocausto e políticos de todos os partidos, entre eles Esquerra Republicana de Catalunya, CiU. ou PNV.

A estrataxema do BNG para conseguir que o Parlamento Galego fora protagonista do vergoñento acto de omisión, consistiu en propor un texto alternativo ao que respaldaban socialistas e populares, sabedor o BNG de que non sería aceptado e que, ao non conseguirse a unanimidade, o texto final non sairía adiante, como finalmente así foi.

Na súa miopía a todas luces inxustificábel, tentaron mesturar un documento que honraba a memoria das vítimas do Holocausto (incluídos os republicanos españois, xitanos e homosexuais) sen citar sequera as palabras "xudeo", coa situación actual do conflito de Oriente Próximo.

Convidado o portavoz do BNG, Carlos Aymerich, a presentar unha iniciativa parlamentar diferenciada referida ao devandito conflito, o representante do BNG desbotou tal posibilidade e consagrou finalmente a vergonza de sumarse ao carro dos negacionistas de extrema dereita deixando no aire a pregunta de que clase de catadura ética pode ter quen actúa dun xeito semellante.

A Asociación Galega de Amizade con Israel manifesta a súa máis enérxica desconformidade con actitudes que deshonran a quen, como parte do cogoberno de Galicia, debe representar a todos os galegos e galegas sen exclusións por motivos ideolóxicos ou xenófobos

8 Brais

Bueno, claro falo de Rwanda, pero podería falar do Tibet, de Chechenia, de Kenia ou mesmamente do crímenes en Irán, Irak ou Exipto ós que non se lles da bombo polo medo ós terroristas árabes...

7 Brais

Bueno, vexo que falla un pouco o sentidiño por eiquí...Así, que o BNG fixo ben...Vaia, pois estamos bos!Non sabía eu que se parecese en nada o Holocausto (6.000.000 de persoas asasinadas) con calquer outro conflicto no mundo. E digo no mundo porque ós que se lles enche o peito co tema palestino, non dixeron nada no seu momento co que pasou entre hutus e tutsis (800.000 persoas asasinadas).
Que pasa, hai medo ós árabes ou é que a vida dun musulmán vale 100 veces máis que as de un xitano, xudeu ou homosexual...?
Por favor, se non queredes respetar a lembranza do holocausto nun día como hoxe..facedeoo na intimidade, pero non escribades cousas vergoñentas que mostren a vosa ignorancia.
Gracias.

6 Oscar

De acordo con Félix, por iso fixo mal o BNG.
O Holocausto é un feito histórico que non queremos que se repita e que debemos condear, independentemente de que logo condenemos tamén a violencia de Israel contra Palestina.
É dicir, a AGAI tén razón en que non tén nada que ver a condea do Holocausto coa condea do que acontece hoxe en Israel, non se deben comparar feitos históricos que realmente non teñen tanto que ver e se producen nun contexto moi distinto.
Sen embargo, ¡manda carallo na Habana có tema da violencia no Leste Próximo! Os do BNG cítana demasiado, e os da AGAI demasiado pouco.

5 Félix

Perdón, pero esquecín unha puntualización: comparar feitos históricos coa actualidade e perigoso, entre outras cousas porque do que está a pasar agora no Leste próximo coñecemos a mitade da mitade da mitade da décima parte...
Máis clariño: comparar a barbarie nazi coas recentes e actuais guerras abertas ou encubertas entre un sector dos árabes e o Estado israelí (e coido que é necesario subliñar a palabra Estado) é como, por exemplo, comparar a mal chamada guerra de independencia de 1808 na Península Ibérica coa actual insurxencia iraquiana. Hai comparacións que son o "tomate" da historia; é dicir: a anti-historia.

4 Félix

Que o BNG critica os asesinatos do Estado israelí é archisabido, coido que os nacionalistas do Bloque non necesitan facer demostración desa posición.
De feito, case que todos os días se fala dese asunto e son moitas as veces que o BNG, como tantos outros grupos e persoas, condea (ou condeamos) a situación na que se atopan os palestinos --entre os que hai dirixentes que pola miña banda deixo ao lado--.
Ben, así as cousas, clariñas como están, ¿qué ten que ver o que hoxe acontece no Leste próximo cunha iniciativa puntual na que só se pretende lembrar os feitos que sucederon en Europa nos anos trinta e ata 1945 e condear a barbarie hitleriana: o asasinato planificado e sistemático de xudeos, sí xudeos, millóns de xudeos, pero tamén de xitanos, anarquistas, socialistas, comunistas, demócratas, discapacitados e un longo etcétera de homes e mulleres, nenos e nenas?
Ás veces --e agora non falo do BNG-- á hora de xustificar erros ou de non se sabe moi ben qué, os homes facemos comentarios nos que abunda o ruído e falla a racionalidade.
Resumindo, hai algún que ven de propoñer que, en correspondencia, cada vez que se faga pública a condea dunha acción criminal do Goberno israelí haberá que facer unha lembranza das matanzas nazis. Porque se non fora así, os motivos que agora esgrimen algúns poderán ser utilizados no senso contrario...
A verdade, ás veces hai comentarios que están "moi verdes".
Por favor, un pouco de sentidiño.