Anova insiste nas súas “coincidencias” con Podemos pero sen aclarar pactos

O deputado suliña que a aposta de Anova e de AGE é “conformar candidaturas unitarias cidadás de cara ás municipais para gañar nos concellos esa maioría alternativa”. Tampouco descartan ao BNG.

Por Galicia Confidencial | Compostela | 18/11/2014 | Actualizada ás 09:05

Anova non oculta, desde hai días, o seu acercamento a Podemos e a outras plataformas políticas constituídas no Estado. Hai uns días, o co-líder desta formación mantiña encontros con dirixentes de Guanyem, en Barcelona e con Podemos, en Madrid. O propio Xosé Manuel Beiras ten destacado o papel da nova formación que dirixe Pablo Iglesias.

Por iso, o deputado de AGE Antón Sánchez insistiu este luns en que tanto Anova como AGE teñen “coincidencias” con Podemos en determinadas cuestións, pero non aclarou posibles pactos con este grupo político. Tamén dixo que non descarta outras formacións, como o BNG.

“Nós estamos polas frontes amplas, pola unidade das organizacións que queren cambiar este réxime, e niso coincidimos con Podemos e mesmo co BNG", apuntou en declaracións aos medios. Neste sentido, suliñou que, a "efectos prácticos, e "nos próximos meses, a aposta de Anova e de AGE é conformar candidaturas unitarias cidadás de cara ás municipais para gañar nos concellos esa maioría alternativa, e niso estamos centrados. Non hai nada máis concreto que iso", precisou.

"Colaboraremos para que o que pensa a maioría da sociedade, a maioría dos de abaixo, trasladalo ás institucións políticas sen pór por diante os intereses de partido. Como se materializa iso tampouco, está só nas nosas mans", indicou.

12 preCabido

agora Anova vai mendigar ao directorio de Podemos que lle fagan sitio... a españolización desa xente é insaciable. IU e agora POdemos, cheo de xente para darlle de comer aparte, salvando ao directorio e o secretario xeral. QUE pr certo se declara patriota español. Paréceme ben, logo que non vain demonizando aos cidadáns de outras nacions que reinvindicamos a nosa nación como realidade cidadán e política

11 Androide

Concide, si coincide. Como ben dicía Cid Cabido no famoso mail que lle escapou, sen Podemos non chegan nin ao 10%... e con Podemos teñen un problema, os de Pablo Iglesias van querer ocupar todos os postos de saída. Ai, que dilema!

1 Comunista

Mail "famoso" só no submundo troll bloqueiro. A xente normal da rúa, nin sabe del nin lle interesa o mais mínimo. Teñen problemas mais importantes. Nas Mareas, os postos de saída van ser ocupados por quen reciba os votos da xente nunhas primarias abertas. Así de claro. Os candidatos a dedo escollidos por cúpulas, é cousa doutros lares: http://www.galiciaconfidencial.com/...

2 preCabido

"Mail "famoso" só no submundo troll bloqueiro. A xente normal da rúa, nin sabe del nin lle interesa o mais mínimo". Recoñece o sobrado ste que se fai chamar comunista que efectivamente hai MANIPULACIÓN E MANGONEO das marés. Xa taba claro, polo nada preCabido xefe local da FPg-anova-age. Pero gracias por recordalo.

10 Complutócrata

Excelente traballo de marketing se fora primeira páxina na Voz. Beiras, pai xeneroso e amigábel tende a man a todos: deixade que os nenos veñan a il! E se son de Podemos que veñen cunha urna debaixo do brazo, moito mellor, porque os galegos pode que non saiban se suben ou baixan, pero de votos e cartiños saben un pouquiño. E agora Izquierda Unida-Partido Comunista non che son boa compañía, cos líos do asinante dos acordos con ANOVA, Miguel Reneses, primeiro denunciado por unha empregada por acosador, e agora, expulsado polo tema da relación ca corrupción das tarxetas de BANKIA. Mais está ben esta obscena manifestación de oportunismo eleitoral, cando entre as poucas cousas que define Podemos está a unidade do estado e non recoñecemento do dereito de autodeterminación? Os bascos e cataláns, como non teñen a sorte de ter un Beiras, non parecen perderse en potencialidades españolas nin oportunismos do colabouracionismo galego, con Colau ou sen ela.

1 tutatis

totalmente dacordo. eu penso que Beiras cando ficá só, sabe SABE, que lho dí a sua conciencia, que non está facendo ben.

9 morasleira

¿En que lingua falan? ¿Inglés, francés, castelán? ¿Pablo fala galego? Seguro que e en francés, non podemos esquecer que o burgués Beiras ¿estudiou? alí.