O Consello da Cultura Galega comparte unha ducia de vídeos para "coñecer a gran reserva de montes de Galicia"

Estarán dispoñibles no espazo web 'Proxector'

Por E.P. | SANTIAGO DE COMPOSTELA | 13/12/2022 | Actualizada ás 11:38

Comparte esta noticia

O Consello da Cultura Galega (CCG) sumou un novo título ao seu espazo web 'Proxector' no que se reúnen unha ducia de recursos audiovisuais que "permiten profundar na riqueza paisaxística e natural", así como "no potencial ecolóxico, económico e social dos montes galegos".

Segundo sinalou a institución nun comunicado, esta nova entrega, que leva por nome 'Montes e montañas: un tesouro patrimonial e económico de Galicia', forma parte da conmemoración do Día Internacional das Montañas.

Nesta liña, o CCG indicou que os vídeos escollidos para esta entrega de 'Proxector', espazo dedicado a recompilar e difundir recursos audiovisuais de apoio á docencia en galego, "buscan coñecer a gran reserva de montes de Galicia".

Entre os materiais aos que se pode acceder está a construción do túnel de Montefurado, levada a cabo polos romanos hai 2.000 anos. Así, pódense descubrir os tesouros naturais e patrimoniais da dehesa de Rogueira ou o monte Pindo.

Bosque da Lingua, iniciativa da Comunidade de Montes de Couso en Gondomar.
Bosque da Lingua, iniciativa da Comunidade de Montes de Couso en Gondomar. | Fonte: Comunidade de Couso

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta