Falecen dúas mulleres de 71 e 50 anos nun incendio dun piso en Ourense, que tivo que ser desaloxado ao completo

Os equipos sanitarios nada puideron facer por salvar as súas vidas.

Por Europa Press / Redacción | OURENSE | 07/01/2023 | Actualizada ás 12:07

Comparte esta noticia

Dúas mulleres, de 71 e 50 anos (con iniciais V.C.D. e E.M.R.), faleceron este sábado tras declararse un incendio nun piso situado nun edificio da rúa Manuel Lago, na cidade de Ourense.

Segundo informou o 112 Galicia, os feitos ocorreron sobre as 07.30 horas deste sábado. A esa hora, varias persoas particulares contactaron coa central de emerxencias para dar aviso deste lume.

Así, os xestores do 112 puxeron a situación en coñecemento dos Bombeiros de Ourense, da Policía Local e da Policía Nacional, así como dos servizos sanitarios.

Pola súa banda, o Servizo de Urxencias Sanitarias de Galicia-061 detallou que enviou ata o punto unha ambulancia asistencial de soporte vital avanzado e outra de soporte vital básico, pero os equipos sanitarios nada puideron facer por salvar a vida destas dúas mulleres.

Ademais, os servizos de emerxencia confirmaron que, como medida preventiva, tiveron que desaloxar todo o edificio no que se produciu este incendio.

Rúa Manuel Lago en Ourense
Rúa Manuel Lago en Ourense | Fonte: Google Maps

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta