Rescatan unha foca ferida na Praia de Santa Comba de Ferrol

Efectivos de Protección Civil de Ferrol rescataron este xoves unha foca ferida que foi localizada na Praia de Santa Comba e que se atopa xa na UCI de mamíferos de Nigrán.

Segundo informou o Concello de Ferrol, foi un particular o que deu aviso da presenza da foca ferida na praia na mañá deste xoves. Ata o lugar desprazáronse técnicos da Coordinadora para o Estudo de Mamíferos Mariños (CEMMA), que valoraron ao exemplar e recomendaron o seu traslado.

Para o operativo, Protección Civil empregou o novo vehículo de intervención 4x4 UTV que adquiriu recentemente o Concello de Ferrol.

Foca ferida rescatada na praia de Santa Comba, en Ferrol.. CONCELLO DE FERROL | Fonte: Europa Press