Por E.P. | Ferrol | 20/01/2023 | Actualizada ás 11:59
A guerra de Ucraína e as sancións a Rusia, entre elas, o tope a compra de gas e petróleo, están provocando movementos enerxéticos importantes en boa parte de Europa, especialmente, en Alemaña, un dos motores económicos da UE. De feito, Reganosa foi elixida por RWE, a segunda maior enerxética de Alemaña, para operar e manter unha nova terminal de regasificación en Brünsbuttel, na desembocadura do río Elba.
Segundo informa a multinacional galega nun comunicado, Reganosa "será peza crave no plan do Goberno xermano para incrementar a autonomía enerxética do país" como alternativa ao consumo de gas ruso.
RWE está a habilitar en Brünsbuttel unha regasificadora flotante (FSRU) que permitirá a Alemaña diversificar por mar o seu actual abastecemento enerxético. Da naviera Höegh, esta unidade chegou este venres a destino e dispón de capacidades para almacenar a bordo ata 170.000 metros cúbicos de GNL (gas natural licuado), así como para emitir á rede anualmente 5 bcm (miles de millóns de metros cúbicos) de gas natural.
Así, espérase que entre en funcionamento nas próximas semanas. A súa posta en marcha requiriu obras de adaptación nun peirao xa existente e a construción dun ramal de tres quilómetros de conexión coa rede de alta presión de gasodutos de Alemaña.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.