A CIG denuncia a "falta de medios" en Aduanas e a desprotección da costa galega fronte o narcotráfico

A representación da CIG na Axencia Tributaria (AEAT) denunciou a "desprotección" da costa galega fronte á entrada de drogas pola "falta de medios" no Servizo de Vixilancia Aduaneira (SVA).

Segundo lamentou a CIG nun comunicado, á "parada obrigatoria" das embarcacións de Muros e Ribadeo pola presenza de amiante se úne a "ausencia" do helicóptero de Vigo.

Ante isto, o sindicato critica que "non vale" que manden para Galicia barco que "xa teñen esgotada a súa vida útil". Por iso, alertaron da "situación crítica" que atravesa a costa galega na loita contra o narcotráfico.

"Con este panorama está claro que lles dan moitas facilidades aos narcos para que leven a cabo a súa actividade ilegal, polo que desde a CIG demandamos da dirección da SVA a adopción das medidas necesarias para que, tanto as bases de Ribadeo e de Muros como a base aérea de Vigo, estean operativas o máis axiña posible", sinalou a central sindical.

Así mesmo, ante a "intención de substituír" os barcos de Ribadeo e Muros por outros que se retiren do servizo nas bases de Andalucía, a CIG incidido en que "non vale" que manden para Galicia embarcacións con "a vida últil esgotada".

Arquivo - Unha lancha de aduanas recolle un barco afundido e un anaco de barco arrastrado ás rocas xunto ao faro,na ría de Muros, a 31 de outubro de 2023, na comarca de Muros, A Coruña, Galicia (España). Un barco de madeira da frota de baixura adsc. Álvaro Ballesteros - Europa Press - Arquivo