Prisión para catro dos 14 detidos no asentamento das Chaquetas, un dos máis activos en tráfico de drogas de Ferrol
O resto foron postos en liberdade e a maioría acolleuse ao seu dereito de non declarar
Por Europa Press / Redacción | SANTIAGO DE COMPOSTELA | 06/02/2023 | Actualizada ás 17:15
O Xulgado de Instrución número 2 de Ferrol, en funcións de garda, decretou o ingreso en prisión para catro dos detidos o pasado sábado nun operativo contra o narcotráfico desenvolvido no asentamento de 'As Chaquetas', no camiño do Paredón, en Ferrol, e que se saldou coa detención, polo menos, de 14 persoas.
O resto, outro dez detidos, quedaron en liberdade con cargos. Segundo fontes consultadas por Europa Press, a maioría acolléronse ao seu dereito a non declarar. Os arrestados pasaron na mañá deste luns, día 6 de febreiro, a disposición xudicial desde a comisaría da Policía Nacional de Ferrol-Narón.
OPERATIVO
Nesta operación participaron distintas unidades da Policía Nacional, tanto desta comisaría como da Coruña e mesmo chegados de fóra de Galicia. Polo momento non transcenderon as cantidades e tipos de sustancias estupefacientes localizadas.
O asentamento de 'As Chaquetas' é a día de hoxe un dos máis activos en tráfico de drogas en Ferrol e comarca, acudindo a diario decenas de persoas chegadas de distintos puntos de Galicia.
