Como é posible que en pleno inverno ardan 160 hectáreas dun parque natural?
O primeiro gran lume do ano calcina 160 hectáreas do parque natural do Xurés.
Por Europa Press / Redacción | OURENSE | 08/02/2023 | Actualizada ás 10:18
A Consellería do Medio Rural da Xunta de Galicia dá por extinguido o lume que afectaba desde a tarde deste luns ao municipio ourensán de Muíños e que calcinou unhas 160 hectáreas dentro do Parque Natural Baixa Limia-Serra do Xurés.
O lume orixinouse sobre as 18,00 horas do luns en Portugal, en dous focos diferentes, e entrou en Galicia a través da parroquia de Prado de Limia, en Muíños. Quedou extinguido ás 10.00 horas deste mércores, 8 de febreiro. Nos labores de extinción deste lume traballaron dous técnicos, 10 axentes, 12 brigadas, oito motobombas e dous helicópteros.
Trátase do segundo lume que afecta estes días ao Parque Natural do Xurés, despois de que este luns désese por extinguido outro incendio, tamén procedente de Portugal, con menos dunha hectárea queimada, no municipio ourensán de Calvos de Randín.
