Monbus apunta a algún "sindicato" cos disparos a buses da compañía

Nega un conflito laboral tras o ataque a dous buses, que ve un feito "illado".

Por Europa Press / Redacción | A CORUÑA | 08/02/2023 | Actualizada ás 18:14

Comparte esta noticia

A empresa Monbus manifestou que "nestes momentos" non hai "ningún tipo de conflito laboral ou social na actividade que desenvolve nas comarcas da Coruña e Ferrol"

A compañía admite que os dous incidentes rexistrados pola mañá na localidade de Betanzos, nos que se perpetraron disparos contra dous autobuses, "poden estar relacionados con algunha central ou organización de carácter sindical, pero trataríase en todo caso dalgún tipo de ataque illado de motivación descoñecida".

"De calquera xeito, Monbus non está en disposición de sinalar a ninguén en concreto como responsable dun suceso que considera completamente deplorable e que, sen dúbida, puido pór en risco a integridade de dous condutores". Ademais, afirma que confía en que a investigación a desenvolver polos corpos de seguridade do Estado "termine derivando na localización dos autores".

Autobús de Monbús
Autobús de Monbús | Fonte: wikimedia

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta