Por Europa Press / Redacción | A Coruña | 23/02/2023 | Actualizada ás 10:01
Unha persoa tivo que ser excarcerada na mañá deste xoves tras producirse unha colisión múltiple entre tres coches na localidade coruñesa de Ames.Tal como informou o 112 Galicia, foron os membros do GES de Brión os que se encargaron de liberar ao único ferido, que sufriu unha saída de vía co seu vehículo, polo que chocou contra outros dous automóbiles.
Os feitos ocorreron sobre as 08,30 horas no quilométrico 2 da AC-544 ao seu paso pola parroquia de Covas e foi un particular o que deu aviso aos servizos de emerxencia.
Por iso, alertouse a urxencias sanitarias, aos bombeiros de Boiro e de Santiago, ao GES de Brión, á Garda Civil de Tráfico, á Policía Local e a Protección Civil, así como aos servizos de mantemento da estrada. Foron os operarios do GES os que tiveron que romper a porta do vehículo para liberar á persoa ferida, que foi atendida e trasladada polo persoal sanitario a un centro hospitalario.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.